Нашата понуда опфаќа широк спектар на тренинг програми и коучинг програми кои се дизајнирани да направат моќни лични трансформации на учесниците.
Разговарај со експерт
+389 23 099 919
Корпоративни тренинг програми
Менаџерски вештини
Корпоративни тренинг програми
Менаџерски вештини
Оваа програма ги обединува трите најважни области за секој современ менаџер: поставување и следење цели, управување со проекти и справување со конфликти. Преку практични техники, модели и алатки, учесниците учат како да водат тимови поефективно, да создадат јасни очекувања и да изградат средина во која луѓето се мотивирани, информирани и усогласени околу заедничките резултати.
Дел 1 - Цели: поставување, следење и евалуација
Првиот дел ги развива вештините за поставување квалитетни цели, поттикнување одговорност кај тимот и следење резултати на начин кој создава мотивација, а не притисок. Акцентот е на пристапот насочен кон решенија и на јасната комуникација меѓу менаџерот и вработените.
Клучни придобивки:
- Поголема ефикасност во водењето на тимот
- Алатки за прецизно поставување цели и јасна комуникација за очекувањата
- Поттикнување одговорност и мотивираност кај тимот
- Техники за следење резултати и давање конструктивен feedback
- Препознавање и надминување бариери, приговори и предизвици во процесот
Дел 2 - Управување со проекти
Вториот дел ги објаснува фазите на секој проект – од идеја, до реализација. Фокусот е на тоа како менаџерот да ја организира работата, да комуницира со сите засегнати страни, да добие повратни информации и да ги вклучи вработените во процесот. Проектниот менаџмент не е само „кога и кој“, туку и како луѓето го разбираат проектот.
Клучни придобивки:
- Јасна рамка за разбирање на суштината на секој проект
- Вклучување, информирање и мотивирање на сите стејкхолдери
- Подобра комуникација како алатка за управување
- Практични техники за справување со добри и лоши текови во проектот
- Лесно дефинирање резултати и водење проектот до успешен исход
Дел 3 - Управување со конфликти
Третиот дел се фокусира на тоа како да се препознаат, разберат и конструктивно решат конфликтите – без тензии, стагнација и нарушување на работниот процес. Учесниците добиваат употребливи алатки за градење доверба, подобро разбирање на динамиката на конфликтот и поефективно реагирање во реални ситуации.
Клучни придобивки:
- Разбирање на концептот, видовите и последиците од конфликт
- Перцепција на конфликтот како можност, а не закана
- Јасни фази на развој на конфликтот и како да се водат
- Ефикасни принципи и вештини за решавање конфликти
- Подобро однесување и стабилност во конфликтни ситуации