Преговорите се дел од секојдневието. Понекогаш свесно, понекогаш без да забележиме. Во работните релации, особено во менаџментот и тимската соработка, способноста да преговараме на продуктивен, етички и балансиран начин е клучна за создавање долгорочни, стабилни и взаемно корисни договори.

Оваа програма им помага на учесниците да развијат преговарачки вештини што функционираат и во ситуации кога не сме „победници“, но сепак сакаме да постигнеме фер, одржливо и заеднички прифатливо решение. Во тренингот се интегрирани основните и напредните принципи на преговарање, психологија на убедување и комуникациски модели што ги користат влијателните и успешни преговарачи.