"NLP Practitioner" за мене беше патување кое не сакав да заврши. На ова патување запознав прекрасни луѓе, запознав и делови од себе за кои не бев свесна. Зорица беше одличен кормилар на ова патување. Знаеше точно кога да зголеми, а кога да намали брзина, да не наведе во посакуваниот правец за да можеме да ги видиме и допреме деловите од нас кои биле скриени „некаде таму далеку“

НЛП програмата е ефективна и на лесен и пријатен начин ти овозможува да го разбереш и ослободиш потенцијалот што го носиш во себе. Ретко која од досега поминатите едукации може да се спореди со НЛП програмата и методите со кои таа се изучува (уникатно искуство кое нема да те остави рамнодушен).

“Промената почнува од тебе” е фраза која пред НЛП ми немаше смисла. “Мислам, како сега јас да се сменам, што има јас да се менувам, ама еве и да се сменам, да не ќе се смени и безвезнава околина во која сум?”Сега има разбирање на туѓите погледи кон светот, затоа што тие кријат цели животн и приказни. Посакувам свет со повеќе НЛП-иери. Животот веќе го делам на пред и после НЛП.

НЛП е програма која ги рефлектира сите ваши квалитети и ви дава алатки и техники кои ќе ви помогнат сами да го идентификувате целиот ваш потенцијал, огромна сигурност и самодоверба. Многу сум задоволна и пресреќна што го одбрав Сенсум и Зорица Поповска, која како тренер ни го откри и предаде НЛП во неговата најсовршена и најавтентична суштина и форма.

НЛП не е само уште една обука која сме ја посетиле и која ќе ја запишеме во нашето CV. НЛП за мене претставува најмоќниот комуникациски модел кој не учи да излеземе од конфорната зона. Започнуваме да ги гледаме работите од друга, покреативна, перспектива која ни овозможува ширење на нашата мапа на реалност.

Со задоволство се навраќам постојано на повторување на техниките иако завршив со тренингот, НЛП е мојот начин на живот. Методологија што дефинитивно не освестува за тоа колку е важна работата на себеси и личниот развој. Светот ќе биде подобро место за живеење доколку се работи повеќе на себе!

Тргнав со намера да ја отстранам тремата од јавен настап, а завршив со планови за иднината. Исклучително добро структуирана програма и одлична можност за развој на личноста, се радував на секој поминат викенд во пријатна атмосфера и прекрасно друштво

НЛП е магично патување кое го започнав без очекувања, а го пропатував со сите сетила, обоено со многу визуелизација, пропратено со звуци и чуство на исполнетост. ега стојам на мојата временска линија во сегашноста после неверојатното НЛП искуство и....ЈАС СУМ ЈАС НИ ПОМАЛКУ НИ ПОВЕЌЕ!

Моите очекувања од програмата, не само што беа исполнети туку и надминати. За мене НЛП е уште еден програмски јазик, кој работи само на една, уникатна платформа, човечкиот ум.Техниките се целосно логички и затоа примената на НЛП би можела соодветно да ја наречам “upgrade” на најдобрата верзија од себеси.